Overblog Suivre ce blog
Editer l'article Administration Créer mon blog
22 août 2013 4 22 /08 /août /2013 03:41

كُــسْ أُمّـيَّاتْ نجيب سرور

nsurur77

 

يقولوها ليه والصهاينه بره مش جوه

يبقى الصهاينه يا ريّس جوه مش برّه

لحد امتى حتفضل مصرنا لبوه

حمار وجوَّه البلد مستنياه مُهره ؟

 

ليه كل مصرى وراه قناصه زى صقور

وراه ليرقد .. وراه م الباب وم الشـباك

وقولوا ليه المواهب تنخطف بالدور

طبعا عشان نتنكس يعنى عشان نتناك

 

سيد يادرويش يا نابغه ليه تموت مسـموم

والشعب ملبوخ فى رجعة سعد من منفاه

ميت فى يوم القيامه مين على المرحوم

هيبكى ..والكل اصبح وشّه زى قفاه ؟

 

ده كله شغل اليهود يا مصر فى الضلمه

ديابه سارحه ورا ولادك بقالها سنين هامش 16

تعابين فى برج الحمام بس البلد نايمه

يعنى بقى مش غريبه نبقى منكوسين

 

انا عطّشونى تلات تيام فى عز الحر

لحد ما عميت وع الفناطيس ودلوني

وفضلت أقربع لقيتنى طرمبه يعنى بَهُر

أتاريه ما هوش ميه .. ده جاز .. ياصبايا دلوني

 

فين السبيل والسبيل مسموم وانا العطشان

مدد ياسيدنا الحسين نظره ياجيل الجاز

خربت محاشمى تقولش انْصَبْت بالسرطان

يافرحتى بالخنافس يرقصوا ع " الجاز   "

 

اطفال وزى ابنى قدام عينى ناكوهم

يعنى اللى بتشوفه ده مستقبل إولادك

يعنى مفيش فايده واولادك هايرموهم

للنيك وللجاز وشرحه كانوا أجْدادك

 

طيب على الطلاق من كوع دراع امي

لتشربوا الجاز وتتناكولنا يا خولات

ولو نفدتوا النوبا دى يبقى كس أمى

وكس أم اللى يكتب كس أميات ! هامش 17

 

طيب ما جايز ناكونى مره وانا نايم هامش 18

مش قصدى نوم ربنا قصدى بحقنة بنج

ويجوز كمان صورونى وربنا العالم ملحوظه 1

يعنى كمان حرَّموا ع المتناكين الغنج ؟

 

هاتناك ضرورى ولازم كلنا نتناك

عشان ما يفضلش فيكى يا مصر ولا راجل

لو كتفونى وناكونى أبقى مش متناك

عيّان وبينيك فى ميت يبقى مات راجل

 

يا هيك فى علم النيك

يا نيك فى علم الهيك

 

قالوالى ليه كل حاجه تقولها فيها نيك

بطلت ليه السياسه والكلام فيها ؟

يامتناكين ما السياسه هيّه برضو النيك

والنيك سياسه وحاميها هوّه حراميها

 

الجارسونيرات مش عشان ليالى الانس

والشرب والكوسه والملوخيه والباميه

البلوى مش فى النياكه .. زب داخل كس

بسيطه بس النياكه وراها جاسوسيه

 

تتناك يا شاطر وتبقى نجم فى السّـيمه

وتجيب لنا معلومات عن أى شئ ينفع

والطبل والزمر والأبواب ببريمه

ها تنفتح لك وسـيّه يعنى كُلْ واشبع

 

تتناكى يالبوه ؟.. أيوه !. وعقد شرطه نور

تنورينا كده مين .. فين .. بيعمل ايه ؟

وتسافرى لبنان والمانيا على حنطور

وتيجى متريّشـه ولا حد عارف ليه

 

تتناك سيادتك ؟.. ياريت !. بكره هاتبقى وزير

تصفّى جوه الوزاره اى شئ مصرى

ده يعيش وده يموت ودا يطلع يبيع جرجير

كرخانه يعنى ومفتوحه ع البحرى

 

وزير من الوِزر .. مش صدفه ولا تلفيق

هاتولى واحد نزيه وشريف ويبقى وزير

هاتوا الدفاتر يا عالم واعملوا تحقيق

تلاقوا طيز الوزير م النيك فى غِوْطِ البير

 

ليه وكل حته بروحها باشم ريحه النيك

تقولش باتناك بقالى من السنين ألوفات

طيب أقول ايه وقدامى وورايا نيك

ما عادش فى ايديه الا الكُس أُميات

 

مش عيب اقول كس أميات وانا مطرشق

ما عادش فيها خشـا ولا عيب ولا نيله

ومصر قدام عنيّه كسها مرشّـق

م النيك .. دمامل وما باليد ولا حيله

 

خول تجيبه مره .. منصب يجيب شرموط

فلوس تجيب ده وده .. جدول ومتفنط

وكل خانه بخيانه والحساب مظبوط

وانا وانت لامؤاخذه يعنى قول بنتخيط

 

تسرق شلن تبقى هيصه وبلوه وجَرِيمَه

تسرق أُلوف الأُلوف تبقى م الابطال

وكل ما السرقه تكبر .. القانون سيمه

وكل ما السرقه تصغر .. فيه حرام وحلال

 

وتيجى تُجْرُد تلاقى الحسبه عال العال

مسددين الخانات والمِيَّه فى المِيَّه

فيه خانه ناقصه ؟.. حريقه فجأة مش ع البال

وكس أمى إن لاقيت حنفيه الميه

 

عقود عمل ع القفا بس العمل بره

هاجر وسيب البلد مفروشه للغربان

يعنى يا إما السجون يا الشنق يا الهجره

يا اما تهمه جنون يا العيشه ع الصلبان

 

يا اما تسْـكر وتسْـكر زيى ليل ونهار

ونهار وليل وانت شايف نكسه ع العتبه هامش 19

اسقينى واعمينى لو حتى بميّه نار

علشان ما احسش بإن السيف على الرقبه

 

ويقولوا باسكر وماله ؟ مش بدل ما اتناك ؟

أنا حتى لاقى !.. دانا وَلّعت م الطافيه

لو كنت أفوق التقيهم امموا الكونياك

وداوينى بالتى كانت بلا قافيه

 

ماشى ف شوارعك يا مصر معايا شهدى ابنى

ومراتى حامل بدّور بس على أُوده

صبح الصباح والديوك كورس بيندبنى

أتارى دبح الديوك عند اليهود موضه

 

ماعدشى غير دمى يالا سيحوا دمى

انا صليببى تعب يا مصر من كتفى

انا ابويا انقتل يا مصر بعد امي

وانا كمان هانقتل وَلاَّ هاموت منفي

 

مش ها انتحر حتى لو قتلوكوا يا ولادي

حتى لو الانتحار كان الخلاص يا مصر

انا خلاصى خلاصك قولوا يا بلادي

يا بلادى ليه الانتحار والوعد هوه النصر

 

بلدنا موعوده يا محرق تعالى اركب

يركب عليها ولادها يطلعوا شبهه

ويجى غيره ويركب بعد ما يغلب

ولادها برضو ياقادر يطلعوا شبهه

 

أنور نسى .. كلنا بننسى على الكرسي

نسى العذاب والصياعه والضياع والجوع

والسجن .. يا مصر قولى أحَّـه يا كسي

مسكينه كل اللى بتضحيه مالوش مرجوع

 

يا يقتلونى يا اما محاكمه علنيه

للى شنقنى ولو كان انور السادات

اشمعنى يعنى المشانق تبقى سريه

ما تأمموها ونصبح كلنا خولات

 

بيوضى ورمت ما بين روسـيا وامريكا

يعنى ما فيش مصر فيه يا معرصين شطرنج

واقرا الجرايد اقول يا ويكا يا ويكا

نياكه يعنى .. وأى نياكه عايزه الغنج

 

هيكل ده متناك بيكتب لسَّه بصراحه

بصراحه خالص ومين يقدر يرد عليه

ومادام دى هيه الصراحه يبقى بوقاحه

أشْخُر واقول م الجرايد كلها احيه

 

النيك ياعم جحا كان قبلها فى دارك

وقلت وانا مالى جالك م الشيشان النيك

وقلت وانا مالى ناكك جار لجار جارك

ما عدش فيها بقى شبيك ولا لبيك

 

النيك بقى سياحه خد تأشيره تيجى تنيك

وفى أحسـن العائلات والكس سَـيّاله

ادفع تخيط وبس افرد يا عرص ايديك

بالعمله والعمله صعبه ومصر حَصَّاله

 

يهودى ليبى سعودى .. كله نازل نيك

فى بناتنا وشبابنا طالع دينه ومحرَّق

يا شبابنا سيب الصابون قـبَّظ بحمض فنيك

دا النيك مغرَّب فى مصر الثوره ومشرَّق

 

مبروك عليك البلد يا موشى يا ديَّان

مفتوحه جاهزه تخش تاخدها من غير حرب

أَمَلَه ما يحلم بيها ولا حتى جينكيز خان

اللـه يجازى اللى خللوا لبغل زيك زب

 

الجبهه داخليه خارجيه ع السَّـنجه

وجاهزه من كله .. فركه كعب ع النكسه

والنصر طاب ع السجر يا موشى ولا منجه

تنتصرى ليه يا بلد متناكه يانجسـه ؟

 

وتعالوا يا ولادنا شوفو المعركة الجاية

إعداد وإعداد لإعدادها يطول شرحه

والتبن علو الجبال من تحتها مَيَّه

والشعب عمال بيغنج لسه من جرحه

 

ولما تعبوا خدونى وكنت من غير دار

للنار .. وللتغطيه قالوا إنها مجاذيب هامش 20

وصحافه تدَّن ولا بطانه ورا مزمار

 

يامعرصين اختشوا مجاذيب وفيها نجيب

 

-------------------------

 

الهوامش:

هامش 16 تصفيه العناصر الوطنيه فى كل موقع تصيب أيصاً ضابط المخابرات المصرى الوطنى وضابط المباحث المصرى الوطنى وأى عنصر وطنى حتى الكبابجى الوطنى ! فإذا كان ما حدث لصاحب الأميات فى العباسـيه من افانين التعذيب والتدمير قد حدث بعلم المخابرات المصريه فتلك مصيبه وإن كان قد حدث من خلف ظهرها فالمصيبه ألعنْ ! .. والذين يحاولون اليوم ان يجعلوا من عبد الناصر شماعه للأوسـاخ - بعد موته - هم على استعداد لأن يجعلوا من أنور السـادات شماعه لأوسخ الأوساخ فيما لو أصبح موشى ديان غداً رئيسا لمصر المتناكه التى لا تتعلم من التجارب ، ثم انهم يحاولون إحلال نظام فردى محل نظام فردى .. وتظل الطاحونه دائره على الوطنيين   !

هامش 17 تحت يد النائب العام السابق تحقيق شامل لتفاصيل هذه الأميات .. وقد اغلق التحقيق من فوق لأنه يمس رؤوساً كبيره  !! .. ويمس أسراراً .. ولأن رؤوسنا بلا ثمن .. مع اننا ولاد تسعة أشهر كلنا  !!

هامش 18 يمين بالله لو كانوا ناكونى كنت قلت .. فيها إيه ؟ .. دا حتى المتناكين بيقولوا إنها زى شكة الدبوس !!

ملحوظه 1 أنا بديلكوا وثيقة تاريخية من الخمسينات لحد الآن .. بأقولها وانشروها بأى وسيلة فى حياتى أو بعد موتى، عشان خاطر فريد ابنى وشهدى ابنى، لاتظلموا الموتى وان طال المدى. " إنى أخاف عليكموا أن تلتقوا " .. زى ماقال أبو العلاء المعرى .

هامش 19 كتب هذا بعد نكسـة 1967 وقبل نكسـة كسينجر 1974 !! أى بين النكستين !!

هامش 20 مستشفى المجانين .. المجاذيب .. العباسيه !    ..

Partager cet article

Repost 0

commentaires

Sites partenaires

Rechercher

Whos Amung Us

مقالات مختارة للكاتب من موقع الحوار المتمدن

مدونة #مالك_بارودي

Texte Libre

Translate this with Google